Serbët kanë nisur të mblidhen në Rudar, afër Zveçanit. Ata pritet të protestojnë ndaj “kërcënimeve” të kryeministrit të Kosovës Albin Kurti dhe deklaratave të ambasadorit gjerman, Jorn Rohde. Ata kanë shpalosur dhe një pankartë të madhe, ku shkruhet:
“Kurti, Kosova nuk është territori juaj, kjo është toka jonë stërgjyshore”.
Policia e Kosovës ka bërë thirrje që protesta e sotme në Rudar të jetë paqësore.
“Duke marrë parasysh rrethanat dhe situatën e brishtë të sigurisë të krijuar nga grupet kriminale në veri të vendit dhe tendencës për destabilizim të situatës, Policia e Kosovës fton qytetarët që të kenë vëmendje dhe kujdes të shtuar përgjatë thirrjes së kësaj proteste, të protestojnë në mënyrë të qetë dhe të mos bien pre e provokimeve të mundshme, të çfarëdo natyre qofshin ato”.
Discussion about this post