Në 14-vjetorin e pavarësisë së Kosovës, nuk kanë munguar urimet nga politikanët shqiptarë. Presidenti Ilir Meta ka shprehur mirënjohje për të gjithë heronjtë, dëshmorët, luftëtarët dhe etërit e ideimit dhe krijimit të Pavarësisë së Kosovë.
Ndërsa, kryeministri Edi Rama ka ndarë një video përmbledhëse të rrugëtimit të Kosovës drejt pavarësisë, ku shkruan se sot është një ditë e bekuar për të gjithë shqiptarët.
Kreu demokrat, Lulzim Basha ka uruar gjithashtu Kosovën ku shkruan se përulet me nderim dhe mirënjohje para presidentit Ibrahim Rugova, Adem Jasharit dhe të gjithë ushtarëve që luftuan për Kosovën. Basha shton se është krenar për arritjet e deritanishme dhe shpresëplotë për të ardhmen e Kosovës, me të cilën sipas tij do të ecet vllazërisht përpara Europës.
Sot 14 vite më parë, Kuvendi i Kosovës përmes një deklarate të nënshkruar nga deputetët, veç atyre serbë, shpallën Kosovën shtet të pavarur dhe sovran, duke u realizuar dëshira shekullore të shqiptarëve për të fituar pavarësinë. Në mbledhjen e jashtëzakonshme në Kuvendin e Kosovës në Prishtinë ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik.
Discussion about this post