Kreu i Partisë së Lirisë, Ilir Meta ka reaguar në lidhje me fitoren e qeverisë së Kosovës në arbritrazhin ndërkombëtar duke mposhtur pretendimet e kompanisë “Devolli” kundër shtetit të saj.
Meta në ‘Facebook’ shkruan se qeveria e Edi Ramës vetëm humbet në këto arbritrazhe dhe vendit i shkakton dëme kolosale lidhur me besueshmërinë përsa i përket shtetit të së drejtës dhe respektimit të ligjit.
Ai thekson se humbja vjen vetëm pas kapjes së shtetit nga të korruptuarit dhe gënjeshtarët të cilët kërkojnë të asgjësojnë fjalën e lirë dhe kostot e papërgjeshmërisë i paguajnë shqiptarët.
Ndër të tjera shton se më 14 maj, do shënohet dhe dita e ndryshimit ndëshkimit për të rivendosur llogaridhënien dhe interesin publik të parin.
Postimi:
Qeveria e Kosovës fiton përsëri në arbitrazh ndërkombëtar për herë të tretë radhazi brenda vitit duke mbrojtur interesin publik dhe duke dëshmuar se në vendimet e saj udhëhiqet vetëm nga Ligji dhe e Drejta.
Ndërsa Qeveria e Ramës vetëm humbet në arbitrazhet ndërkombëtare duke shkaktuar dëme kolosale për qytetarët shqiptarë dhe dëmtuar rëndë besueshmërinë e vendit si një shtet i së drejtës dhe respektimit të ligjit.
Kjo ndodh vetëm për shkak të kapjes së shtetit nga një bandë të korruptuarish dhe gënjeshtarësh që duan të asgjësojnë fjalën e lirë dhe konkurrencën për të monopolizuar gjithçka në interes të kësaj pakice uzurpatore dhe në kurriz të gjithë qytetarëve shqiptarë që paguajnë kostot e kësaj papërgjegjshmërie të pafre.
Ndaj 14 Maji është dita e Ndryshimit dhe e Ndëshkimit për të rivendosur Llogaridhënien dhe interesin publik të parin.
Bashkë?Fitojmë!✌️??
Discussion about this post