Presidentja Vjosa Osmani ka mbështetur vendimin e ShBA-së për bojkotin e Lojërave Olimpike në Pekin. Kujtojmë se ShBA-ja, Australia dhe Britania e Madhe do t`i bojkotojnë Lojërat Olimpike Dimërore në Pekin dhe këtë gjë ka vendosur të bëjë edhe Kosova. Në një deklaratë për mediet, Osmani tha sedo t’i bojkotoj të gjitha ceremonitë dhe aktivitetet zyrtare për krerët e delegacioneve gjatë Lojërave Olimpike në Pekin.
Gjithashtu, Administrata e Bidenit nuk do të dërgojë delegacion zyrtar të SHBA-së në Lojërat Olimpike Dimërore 2022 në Pekin. Sekretarja e shtypit e Shtëpisë së Bardhë, Jen Psaki, deklaroi se vendimi vjen si deklaratë kundër gjenocidit të vazhdueshëm dhe krimeve kundër njerëzimit në Xinjiang të Kinës.
Përmes këtij veprimi, SHBA tregon se po përshkallëzon presionet ndaj Kinës për abuzimet që kjo e fundit bën kundër popullsisë ujgure dhe grupeve të tjera të pakicave etnike dhe fetare. Ndërkaq Kina ka kërcënuar se do t’i kundërpërgjigjet Shteteve të Bashkuara për bojkotimin diplomatik të Lojërave Olimpike Dimërore “Pekini 2022”.
Discussion about this post