Kosova/ Komisioni miraton projektligjin në mënyrë kontroverse

Komisioni për të Drejtat e Njeriut i Kuvendit të Kosovës e ka miratuar sot Projektligjin për Lirinë Fetare në Kosovë.

Ky miratim është bërë pa votat e Listës Serbe, deputetët e secilës nuk kanë marrë pjesë në këtë mbledhje.

Kryetarja e këtij komisioni, Duda Balje, ka paralajmëruar se ky projektligj nuk mund të miratohen në Kuvend ka pjesëmarrjen e Listës Serbe.

“Ne kemi pasur përvojë edhe në 2018 kur e kemi pasur këtë ligj në tavolinë. Nëse nuk kemi vota komplet puna do të jetë e kotë. Prej sot mundemi të themi që nuk mund të kemi sukses me këtë ligj duke pasur parasysh tani si është puna në Kuvend”, ka thënë Balje.

Sipas Kushtetutës së Kosovës, projektligjet që kanë të bëjnë me te drejtat e komuniteteve duhet të miratohen edhe me dy të tretat e deputetëve.

Në këtë mënyrë, pa pjesëmarrjen e deputetëve serbë ky projektligj nuk mund të miratohet.