Qeveria e Republikës së Kosovës ka miratuar dy vendime për ndarjen e nëntëmbëdhjetë milionë eurove, për zbatimin e Pakos për Ringjallje Ekonomike. Qeveria përmes një njoftimi ka sqaruar se ka ndarë 5 milionë euro mbështetje për tejkalimin e krizës energjetike.
“Me vendimin e parë të miratuar në mbledhjen e 101-të të qeverisë, janë ndarë pesë milionë euro (5.000.000,00 €) për zbatimin e masës për tejkalimin e krizës energjetike, në kuadër të Pakos për Ringjallje Ekonomike”, njoftoi qeveria e Kosovës.
Ndërkohë janë ndarë edhe 14 milionë euro në masa shtesë sipas Pakos për Ringjallje Ekonomike të masës për mbështetje të likuiditetit familjar.
“Ndërsa, me vendimin e dytë të miratuar në këtë mbledhje, janë ndarë mjete buxhetore në shumën prej katërmbëdhjetë milionë euro (14.000.000,00 €), për zbatimin e masave shtesë në kuadër të Pakos për Ringjallje Ekonomike, të masës 3.6 Mbështetja e likuiditetit familjar”, thuhet gjithashtu në njoftim.
Discussion about this post