Kosova ka nisur kontrollet për mishin e pulës me origjinë nga Brazili, pas dyshimeve për praninë e salmonelës në Shqipëri.
Agjencia e Ushqimit dhe Veterinarisë e Kosovës ka lëshuar urdhër për kontrolle në pikat kufitare, duke kërkuar që të gjitha ngarkesat e mishit të pulës (fileto) nga Brazili të dërgohen për testim mikrobiologjik.
Ngarkesat do të mbahen të bllokuara deri në marrjen e rezultateve të analizave.
Gjithashtu, janë inspektuar disa pika shitëse brenda vendit, ku janë marrë mostra për testim. Deri tani, nuk ka pasur njoftime për probleme shëndetësore nga konsumimi i këtij mishi.
Discussion about this post