Zyra e kryeministrit të Kosovës, Albin Kurti nuk kanë reaguar ndaj takimeve në kuadër të nismës ‘Open Balkan’, takimet e së cilës po zhvillohet në Beograd nga presidenti serb Aleksandar Vucic, kryeministri shqiptar Edi Rama dhe zv/kryeministri maqedonas, Nikola Dimitrov.
Burime nga qeveria e Kosovës, thonë se Kosova nuk është pjesë e nismës, ndaj për këtë arsye preferohet mos i komentohen zhvillimet e këtyre ditëve. Ata shtuan megjithatë se qëndrimet e Qeverisë së Kosovës kundër kësaj iniciative tashmë janë të njohura.
Ditën e djeshme, zyra e kryeministrisë së Kosovës u shpreh se nuk kanë patur ftesë zyrtare për takimin e liderëve në Beograd. Albin Kurti ka shprehur vazhdimisht qëndrimin e tij lidhur me nismën e shteteve të Ballkanit Perëndimor, për të krijuar ‘Open Balkan’. Kurti është shprehur se nuk mundet të ulet në tryezë me presidentit serb Vuçiç, për të diskutuar rreth një të mire të përbashkët derisa Serbia ende nuk e njeh Kosovën si shtet dhe nuk ka kërkuar falje për të shkuarën historike mes dy vendeve.
Discussion about this post