Jeton Zulfaj, këshilltari politik i kryeministrit Albin Kurti, ka reaguar me një gjuhë të ashpër në lidhje me faktin se Kosova nuk është ftuar të marr pjesë në Samitin për Demokraci që mbahet në Shtetet e Bashkuara të Amerikës. Përmes një postimi në Facebook, ai shkruan se ky vendim ishte deri diku i pritshëm, për shkak se vendosja antiligjore e qeverisë Hoti i uli vendit shumë pikë, sa që për raportet ndërkombëtare demokracia në Kosovë regjistrohet në ulje gjatë 2020.
“Mbase edhe ndonjë muaj do të shihemi me raportet ndërkombëtare të 2020. Nuk është aspak befasi përse Kosova nuk u ftua në Samitin për Demokraci të thirrur nga Shtetet e Bashkuara të Amerikës. Kosova është vendi i vetëm në Ballkanin Perëndimor që radhitet më së ulëti në “Nations in Transit” nga Freedom House me 3.14 nga 7 pikë ose 36% nga 100%. Freedom House vlerëson se këtë vit rezultati i demokracisë shënoi rënie për Kosovën për shkak të instalimit jokushtetues të qeverisë Hoti në Qershorin e vitit 2020. Pra, ashtu sikurse Raporti i Progresit edhe ky i Freedom House e të tjerë që u publikuan janë të bazuar kryesisht në vitin e kaluar”, shkruan ai.
Ndër të tjera, ai shkruan se Kosovarët nuk duhet të mërzitën, pasi tashmë vendi do të ecë në progres. “Samiti i Presidentit për Demokraci është një nga iniciativat e shumta të SHBA-ve të fokusuara në avancimin e demokracisë, luftimin e korrupsionit dhe promovimin e respektimit të të drejtave të njeriut në mbarë globin”, shprehet ai.
Sipas deklaratës, qëllimi i këtij samiti ishte bashkimi i një grupi rajonal dhe socio-ekonomik të vendeve dhe juridiksioneve, duke përfshirë demokracitë e vendosura mirë ashtu edhe ato në zhvillim me diversitet të madhësisë së popullsisë, demografisë dhe vendndodhjes. Ndërsa theksoi se shumë shpejtë edhe Kosova do të renditet krah vendeve me nivel demokracie të lartë. E.H/ Gijotina.com/
Discussion about this post