Presidenti i Serbisë, Aleksandar Vuçiç, tha se nuk mund të vlerësojë për momentin se sa real është rreziku që Kosova të bëhet anëtare e NATO-s, por, sipas tij, situata është shumë e qartë. Sipas tij, kjo është ide e lobistëve shqiptarë, e disa politikanëve nga Bashkimi Evropian dhe Amerika, që t’i detyrojnë vendet e BE-së, që janë anëtare të Aleancës së NATO-s dhe që nuk e kanë njohur Kosovën, që ta bëjnë këtë.
“Ky mund të jetë një justifikim për disa, që të thonë se duhet ta njohin Kosovën, sepse nuk kanë rrugëdalje tjetër dhe se nuk mund të jenë kundër kësaj”, tha ai
Katër vendet e BE-së e po ashtu edhe të NATO-s, që nuk e kanë njohur Kosovën, janë: Greqia, Spanja, Sllovakia dhe Rumania. Qiproja është një tjetër vend i BE-së që s’e njeh pavarësinë e Kosovës.
Discussion about this post