Presidenti Ilir Meta ka komentuar nismën Open Balkan. Meta deklaroi se kjo nismë nuk është gjithëpërfshirëse ka krijuar shumë debat dhe kontradikta duke mënjanuar Kosovën dhe duke e vënë atë nën presion se nuk do bashkëpunim.
“Unë mendoj se vizita ime në Kosovë nuk ka pasur lidhje me dy vizitat e tjera në kuptimin e një qëllim për të krijuar një kontrast të caktuar. ka qenë vizitë e planifikuar dhe për sa kohë isha në Kosovë nuk mund të mos shprehja opinionin tim për këtë iniciativë. Kjo është një nismë që ka ndërruar tre herë emër në një kohë shumë të shkurtër”, është shprehur ai.
Ndër të tjera ai u shpreh se Rama nuk është konsultuar asnjëherë me të për këtë nismë por me presidentin e Serbisë.
“Ka krijuar shumë debat dhe kontradikta sidomos me drejtues të Kosovës. Nuk është gjithëpërfshirëse dhe nuk mund të ketë bashkëpunim të qëndrueshëm. Tani të bëhemi ne të dy dhe t’u themi edhe të tjerëve, Nuk mund të ndodhë kështu. Ndaj ka krijuar pikëpyetje. Në çdo nismë që takohen dy tre liderë, ndërkombëtarë nuk kanë pse marrin pjesë. Nuk kam pasur asnjë konsultim me Ramën, këtë ai është konsultuar me presidentin e Serbisë”, ka thënë ai.
Discussion about this post