Federata Rumune e Futbollit ka reaguar pas incidenteve në ndeshjen mes Rumanisë dhe Kosovës dhe ka dënuar sjelljen e ultrasve.
Ndeshja ndërmjet Rumanisë dhe Kosovës u zhvillua mbrëmjen e së martës, në Arenën Kombëtare, në kuadër të xhiros së gjashtë të kualifikueseve për Kampionatin Evropian 2024 dhe përfundoi me fitoren e vendasve me rezultat 2:0, pas golave të shënuar nga Nicolae Stanciu në minutën e 83-të dhe Valentin Mihaiia në minutën e 90+3.
Ky takim u ndërpre në minutën e 17-të, pasi ultrasit rumun brohoritën ‘Kosova është Serbi’ dhe kishin edhe një pankartë për këtë.
“Federata Rumune e Futbollit kundërshton me vendosmëri sjelljen e papërgjegjshme të grupit të shikuesve nga pjesa e tribunës së Jugut që çoi në ndërprerjen e ndeshjes së mbrëmshme ndërmjet Rumanisë dhe Kosovës në Arenën Kombëtare.
Fillimisht, ritheksojmë parimin sipas të cilit qeveriset futbolli në Rumani, përkatësisht mosndërhyrja e politikës në aktin sportiv.
Revizionizmi nuk pranohet në futboll dhe FRF dënon ashpër mesazhet provokuese të natyrës politike, ideologjike, fetare apo fyese, të cilat janë kategorikisht të ndaluara në stadiume.
E gjithë kjo u regjistrua në tribunat e Arenës Kombëtare nga një grup i vogël i të ashtuquajturve mbështetës, duke ndikuar në rrjedhën normale të ndeshjes dhe në mënyrë implicite edhe disponimin trengjyrëshe.
FRF shpreh keqardhjen për eksperiencën fatkeqe që patën pjesa më e madhe e shikuesve dhe njëkohësisht i falënderon për mbështetjen fantastike që i ofruan trengjyrëshve në pjesën e dytë të ndeshjes, duke i çuar në një fitore dramatike!”, thuhet mes të tjera nga Federata Rumune e Futbolli.
Discussion about this post