Gjatë orëve të fundit në Kosovë ka humbur jetën nga Covid një person dhe janë konfirmuar të infektuar 28 qytetarë nga 3 025 testime.
Gjithashtu gjatë orëve të fundit betejën me Covid e kanë fituar 133 persona, duke bërë që në spital të gjenden të shtruar nga Covid vetëm 63 pacientë.
Rastet pozitive janë konfirmuar në komunat: Lipjan 5 raste, Prishtinë 5 raste, Gjakovë 4 raste, Gjilan 3 raste, Mitrovicë 3 raste, Prizren 2 raste dhe me nga një rast komunat Drenas, Ferizaj, Fushë-Kosovë, Istog, Pejë dhe Vushtrri.
Ndërkohë nga fillimi i pandemisë e deri më tani janë konfirmuar të infektuar me Covid 107.382 raste nga 607.230 persona të dyshimtë në virusin SARS-CoV-2 dhe kanë humbur jetën 2.243 persona.
