Pas shumë aludimeve, ftesa e Joe Biden ndaj Kosovës për të marrë pjesë në Samitin për Demokraci është zyrtarizuar.Lajmi është bërë i ditur nga Presidentja e Kosovës, Vjosa Osmani ku përmes një letre ka falënderuar presidentin e ShBA-ve, Joe Biden.Samiti për Demokracinë do të mbahet në 9 dhe 10 dhjetor të këtij viti. Samiti për Demokraci i Presidentit është një nga shumë nismat amerikane e fokusuar në avancimin e demokracisë, luftimit të korrupsionit dhe promovimin e respektimit të të drejtave të njeriut anë e mbanë botës.
“Falënderoj Presidentin Biden për ftesën në Samitin për Demokraci të organizuar nga Shtëpia e Bardhë si dhe vlerësimin për partneritetin e ofruar nga Kosova për të punuar drejt fuqizimit të shoqërisë demokratike që respekton të drejtat e njeriut, të cilat ia mundësojnë secilit qytetarë ta përmbush potencialin e vet. Pas takimeve produktive të javës së shkuar në Ëashington, në të cilat jam njoftuar se Kosova do të jetë pjesë e këtij Samiti, jam e nderuar ta pranoj ftesën nga Presidenti Biden”, ka shkruar Osmani.
Disa ditë më parë u tha se mungesa e një ftese për Kosovën erdhi pasi jo të gjithë partnerët mund të akomodohen në këtë nismë.Megjithatë, ambasada shtoi se ka SHBA-ja është partnere e palëkundur e Kosovës në ndërtim të demokracisë.
Discussion about this post