Policia e Kosovës ka shoqëruar dy persona pasi në makinën me të cilën po udhëtonin mbanin një shumë prej 33 mijë eurosh. Autoritetet bëjnë me dije se ngjarja ka ndodhur të enjten , por sot është bërë publike.
“Mbrëmë rreth orës 21:00, nga zyrtarët policor të stacionit të Fushë Kosovës janë shoqëruar në stacion dy persona të cilëve u janë gjetur dhe sekuestruar një shumë e parave. Sekuestrimi i parave (rreth 33.000 euro) është bërë në rrugën e Pejës, në Bresje, kur personat me automjetin me të cilin po lëviznin janë ndaluar nga policia për një kontroll rutinë”, thuhet një njoftim.
Shoqërimi i tyre u bë pasi nuk arritën të justifikojnë burimin dhe ligjshmërinë e parave të fshehura në makinë. Pas verifikimeve, ata u lanë të lirë, por hetimi ndaj tyre do të vazhdojë.
Discussion about this post