Në 24 orët e fundit në Kosovë nuk është raportuar asnjë viktimë nga COVID-19.
Gjatë kësaj kohe janë regjistruar 5 raste të reja me koronavirus nga 1.977 testime të kryera për të dyshuar. Lajmi është bërë i ditur nga Ministria e Shëndetësisë.
Njoftimi i plotë:
#Bashkëiadalim 14 Qershor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 1.117 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 99.394 doza të vaksinës.
Deri më sot 9.640 qytetarë janë vaksinuar me dozën e dytë.
Nga 1.977 testime, 5 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 94 qytetarë, derisa numri i përgjithshëm i të shëruarve është 104.988.
Në total numri i rasteve aktive është 345.
