Një aksident i rëndë automobilistik ka ndodhur në Korroticë të Ulët të Drenasit dhe si pasojë dy persona kanë vdekur.
Rasin e ka konfirmuar zëdhënësja e Policisë, Flora Ahmeti, shkruajnë mediat e Kosovës.
“Ju njoftojmë se dy nga personat, e lënduar që ishin dërguar për trajtim mjekësor, njëra në Qendrën e Mjekësisë Familjare në Komoran dhe tjetra në Drenas, nuk kanë arritur të përballojnë plagët e shkaktuara nga aksidenti dhe kanë ndërruar jetë”, ka thënë Ahmeti.
Viktimat janë; L.P. 45-vjeçare dhe Q.TH 26 vjeç. Vdekjen e tyre e kanë konstatuar ekipet mjekësore në qendrat e sipërshënuara.
“Aktualisht hetuesit po vazhdojnë të kryejnë ekzaminimet e nevojshme dhe po ndërmarrin veprimet për zbardhjen e rrethanave të aksidentit”, ka shtuar Ahmeti.
