Kosovë/ Alarm për bomba në 30 shkolla, çfarë thotë policia

Të tjera telefonata janë regjistruar për bombë në disa shkolla të Kosovës duke ngjallur panik te qytetarët. Sipas policisë, këto kërcënime janë bërë në rajone të ndryshme në disa objekte shkollore (deri më tani në rreth 30 lokacione), përmes formës elektronike dhe linjave telefonike.

Policia e Kosovës, ka ndërmarrë veprime konkrete duke evakuuar personat në perimetrat e sigurisë, për të bërë të mundur identifikimin e bombave.

Megjithatë, deri në këtë fazë Policia e Kosovës ka arritur t’i trajtojë dhe verifikojë disa nga objektet shkollore, të cilat kanë rezultuar të jenë kërcënime të rreme.