Sot iu dha lamtumira e fundit ish-kandidatit të Lëvizjes Vetëvendosje (LVV) Bilall Hadërgjonaj, i cili humbi jetën tragjikisht mbrëmë pasi u godit për vdekje nga një veturë në fshatin Rastavicë të Deçanit.
Menjëherë pas varrimit familja Hadërgjonaj dhe Rexhaj janë pajtuar, duke e falur gjakun.
Ndryshe mbrëmë, Hadërgjonaj ka humbur jetën pasi u godit për vdekje nga një veturë në fshatin Rastavicë të Deçanit.
Edhe pse Hadërgjonaj u dërgua me urgjencë në spital, i njëjti nuk arriti që të mbijetojë dhe ndërroi jetë në QKUK.
Hadërgjonaj kishte pësuar aksident pasi ishte duke qarkulluar në rrugën Gjakovë – Deçan, i ndjeri duke mos ju përshtatur shpejtësisë humbi kontrollin e automjetit dhe doli nga rruga.
Më pas, me të dalë nga vetura dhe gjatë kalimit të rrugës në kursin nga drejtimi i Gjakovës, 62-vjeçari është goditur nga një veturë e cila ishte në lëvizje.
Sipas burimeve të Sinjalit, shoferi i veturës është Fitim Rexhaj, 34-vjeçar. Sipas informacioneve të para, Rexhaj ishte duke vozitur veturë me targa të huaja në drejtim të rrugës Gjakovë – Deçan.
Infokus
Discussion about this post