Ka nisur numërimi i fletëvotimeve të diasporës në zgjedhjet komunale të Kosovës.Siç edhe ishte njoftuar një ditë më parë nga Zëdhënësi i Komisionit të Zgjedhjeve, Valmir Elezi, pas vlerësimit nga KQZ për1,571 pakot e ardhura me postë, gjatë datës 29tetor-12 nëntor, votat e kosovarëve jashtë Kosovës do të numërohen sot. Bëhet fjalë për 2.379 zarf të individualizuara me fletëvotime nga 2,658 që ishin në total. Këto fletëvotimi i përkasin 19 komunave të ndryshme.
“Gjatë ditës së martë, 16 nëntor, Komisioni Qendror i Zgjedhjeve do të fillojë me numërimin e fletëvotimeve të cilat janë dërguar nga jashtë Kosovës gjatë periudhës së votimit, 29 tetor – 12 nëntor. Tashmë shërbimi votues i KQZ-së ka bërë vlerësimin e 1,571 pakove të supozuara me fletëvotime të ardhura përmes postës. Nga procesi i vlerësimit, del se nga këto pako numri i zarfeve të individualizuara me fletëvotime është 2,658, prej të cilave janë aprovuar 2.379, ndërsa pasi nuk kanë plotësuar kriteret ligjore janë refuzuar 279 pako. Këto fletëvotime u takojnë komunave 19 komunave të ndryshme”, tha Elezi.
Në bazë të listës së publikuar nga KQZ, numri më i madh i fletëvotimeve nga jashtë Kosovës i takojnë komunës së Junikut, 670 të tilla.
Numërimi i këtyre fletëvotimeve do të thotë shumë për rezultatin e ngushtë ndërmjet dy kandidatëve që garojnë për kryetarin e kësaj komune. Në bazë të rezultateve preliminare të publikuara nga KQZ-ja, kandidati i Lidhjes Demokratike të Kosovës Ruzhdi Shehu (1,199) ka një epërsi prej 29 votash nga kandidati i Aleancës për Ardhmërinë e Kosovës, Agron Kuçi (1,170).
Edhe në Dragash rezultati është shumë i ngushtë.Kandidati i Partisë Demokratike të Kosovës, Shaban Shabani (5,648) është në epërsi prej 47 votash në raport me kandidatin e Llidhjes Demokratike të Kosovës, Bexhet Xheladini (5,601).
Discussion about this post