Instituti Kombëtar i Shëndetit Publik në Kosovë, ka raportuar një i vdekur nga COVID-19 dhe 25 persona të infektuar.
Numri i të infektuarve vjen nga dy mijë e 333 mostra të marra nga Shërbimi Spitalor dhe Klinik Universitar i Kosovës.
Sipas IKSHP-së në 24 orët e fundit janë shëruar 196 pacientë, duke e çuar në 99 mijë e 824 raste, numrin e përgjithshëm të të shëruarve.
Me më së shumti raste pozitive është komuna e Prishtinës me gjithsejtë pesë persona të infektuar derisa në komunat tjera numri i të infektuarve është më i vogël.
Rasti i vdekjes është nga komuna: Istog 1 rast (65 vjeç).
Numri total i rasteve pozitive në Kosovë është 106 mijë e 939 kurse numri i rasteve aktive është katër mijë e 889.
Ndërsa një ditë më parë kanë humbur jetën edhe dy persona nga Coronavirusi.
