Ministria e Shëndetësisë në Kosovë, ka informuar se në total numri i rasteve aktive në vend është 25.290.
Numri i përgjithshëm i të shëruarve është 124.711, ndërsa nga fillimi i pandemisë e kanë humbur jetën si pasojë e sëmundjes 2,657 persona.
Në njoftim thuhet se me arritjen vaksinave nga SHBA, specifikisht 503.100 doza, dhe atyre që MSh i ka në stok, procesi i vaksinimit në masë kundër COVID-19 do të fuqizohet edhe më tej, me qëllim të arritjes së objektivit të Qeverisë së Republikës së Kosovës për vaksinimin e 60% të popullatës sipas Planit shtetëror të vaksinimit.
