Qeveritë e Kosovës e Shqipërisë pritet të mbajnë mbledhjen e shtatë të përbashkët me datë 21 tetor në Prishtinë, këtë vit, pas të gjashtës në Tiranë në 2 Tetor 2020.
Lajmi është konfirmuar nga korrespondenti në Kosovë Behlul Jashari i “Gazeta DIELLI”, i cili ka dhënë më shumë detaje lidhur me mbledhjen e shtatë të përbashkët.
Këtë javë, në 17 Tetor 2021, Kryeministri i Republikës së Kosovës, Albin Kurti, në një lëtër urimi Kryeministrit të Republikës së Shqipërisë Edi Rama, me rastin e zgjedhjes për herë të tretë, e ftoi ta vizitojë Kosovën e të fillojnë përgatitjet për mbledhjen e përbashkët të dy qeverive.
Kryeministri Rama duke e falënderuar Kryeministrin Kurti për urimin dhe ftesën theksoi: “Patjetër do ta vizitoj me shumë kënaqësi Kosovën, me t’u kthyer nga Asambleja e OKB! Le t’ia nisim menjëherë me përgatitjen e Mbledhjes së Përbashkët. Uroj megjithë zemër dhe kam besim se do të bëjmë plot punë të mira në dobi të të dy shteteve tona”.
Mbledhja e parë u zhvillua në Prizren në 11 Janar 2014, dhe më pas u caktuan qytete të ndryshme, si Tirana, Prishtinë, Korça dhe Peja. Po ashtu, përveç Shqipërisë, në Shkup është mbajtur mbledhja e parë e përbashkët mes Kosovës dhe Maqedonisë së Veriut, ku u nënshkruan 11 marrëveshje.
