Lëvizja Vetëvendosje ka nisur mbledhjen e nënshkrimeve për seancë të jashtëzakonshme të Kuvendit të Kosovës.
Pas dështimit të votimit të qeverisë së re me mandatar, Albin Kurtin, KosovaPress mëson nga burimet e saj se LVV ka nisur mbledhjen e nënshkrimeve për seancë të jashtëzakonshme.
Sipas të njëjtit burim qëllimi i seancës së jashtëzakonshme është formimi i qeverisë së re, megjithatë mbetet e paqartë nëse do të ndryshohet mandatari për kryeministër të vendit.
Kujtojmë që formimi i qeverisë së re dështoi në seancën e fundit, ku mandatari i Lëvizjes Vetëvendosje për kryeministër, Albin Kurti mori besimin e 56 deputetëve të Kuvendit të Kosovës.
KosovaPress raporton se ka tentuar të kontaktojë edhe me zëdhënësin e Lëvizjes Vetëvendosje, Arlind Manxhuka, por deri në momentin e publikimit të artikullit nuk ka pranuar përgjigje.
Discussion about this post