Shpenzimet për organizimin e “Foltoreve” dhe marrjen me qira të stadiumit “Air Albania” për zhvillimin e Kuvendit të thirrur nga ish-kryeministri Sali Berisha, kanë ngritur jo pak herë pikëpyetjet se kush i financon ato.
Në një deklaratë zyrtare, Komisioni i Rithemelimit, i dalë nga Kuvendi i Berishës akuzon Bashën se sipas tyre po shpërndan këto shpifje.
Komisioni sqaron se kostot e Foltores dhe Kuvendit do të bëhen transparente brenda pak ditësh, ndërsa fton Sekretarin e Përgjithshëm të PD Gazment Bardhin që “shpifjet t’i argumentojë para gjykatës”, duke nënkuptuar se mund ta dërgojë në gjyq.
“Nën panikun e shkarkimit, deputeti Basha ka shpërndarë sot në mediat e paguara nga Edi Rama përmes zëdhënësve të tij shpifje të përsëritura për gjoja kostot e Foltores dhe Kuvendit Kombëtar ëe PD. Së pari, ritheksojmë se këto shifra mund të jenë reale vetëm për eventet që kanë organizuar tash sa vjet njerëz afër Lulzim Bashës kur rrjepin financat e PD por ato nuk kanë asnjë lidhje me realitetin, tregun dhe aq më pak me kostot reale të Foltores dhe Kuvendit të cilat do publikohen me transparencë të plotë brenda pak ditësh. Për të bërë transparencën jo vetëm mediatike por edhe ligjore, Foltorja do ta ftojë zëdhënësin e deputetit Basha t’i argumentojë shpifjet e tij para gjykatës”, shkruan Komisioni.
Kjo deklaratë erdhi pak pasi Lulzim Basha njoftoi kallëzimin në SPAK të tre deputetëve dhe dy sekretarëve për falsifikim te vulës dhe stampave të PD.
Discussion about this post