“Kot fare”, Partizani luan për Europën por tifozët ia kanë varur

Partizani luan në “Air Albania” ndeshjen e kthimit në Ligën e Konferencës, ku përballet me Atletik Eskaldes. Në prag të këtij takimi, në stadium kanë nisur të hyjnë edhe tifozët e parë.

Në fakt, numri është i pakët duke parë rëndësinë që kjo ndeshje ka për të kuqtë. Partizani fitoi në transfertë 0-1 një javë më parë dhe si duket, emri i rivalit nuk i ka bindur tifozët e kuq që të jenë të shumtë në stadium.

Megjithatë, deri në momentet e fundit mund të ketë tifozë më të shumtë, duke qenë se në Shqipëri është kthyer në modë që tifozët të mbërrijnë vetëm pak minuta para fillimit të takimit./PanoramaSport