Kryeministri maqedonas Dimitar Kovaçevski sot kreu një takim pune me një delegacion të NATO-s të udhëhequr nga zëvendës-ndihmës Sekretari i Përgjithshëm për sfidat e reja të sigurisë, Xhjems Apaturai.
Në takim, siç njoftojnë nga Qeveria, temë e bisedimeve ishin kërcënimet dhe sulmet hibride me të cilat aktualisht po përballet Maqedonia e Veriut, si dhe vendet e tjera anëtare të NATO-s.
“Të pranishmit në takim konfirmuan se bëhet fjalë për përpjekje dashakeqe për të futur frikë dhe trazira te qytetarët dhe për të cenuar besimin dhe kredibilitetin në institucione. Ministrat e pranishëm patën rastin të bisedojnë me ekipin e ekspertëve të NATO-s në drejtim të masave dhe aktiviteteve të ndërmarra deri më tani që sigurojnë stabilitetin dhe sigurinë e qytetarëve dhe për këtë arsye së bashku me shërbimet e sigurisë vlerësuan se situatës në vend është plotësisht e qëndrueshme”.
“Në takim u diskutua edhe për fillimin e agresionit ushtarak rus ndaj Ukrainës dhe koincidencës së tij me intensifikimin e sulmeve hibride në rajon dhe kundër anëtarëve të tjerë të NATO-së”, thuhet në njoftim.
botasot
Discussion about this post