Ish-gjyqtari Luan Daci ka reaguar pasi KPA, institucion në të cilin ka qenë anëtar, dha sot vendimin për shkarkimin e tij përfundimtar nga detyra.
Daci kundërshtoi para mediave vendimin e ish-kolegëve të tij, ndërsa shtoi se për të drejtën e tij do të drejtohet deri në Gjykatën e Strasburgut.
“Sot, KPA shkeli të dy Kushtetutat. Shkeli Kushtetutat dhe shkoi në ligjin magjistratë. Kushtetuta jonë është aneks. Ju jeni të interesuar për prishjen e vendimit të Strasburg, e Luan Daci do i fitojë të gjitha të drejtat. Do i drejtohem Strasburgut. Do të bëj gjithçka që të kthejmë në Shqipëri shtetin ligjor. Sot e theksoj, janë shkelur dy Kushtetuta. Është shumë e rëndë, që ta shkelë një dhomë gjykimi i një nivelit të lartë. E drejta vonon, por nuk harron” , tha Daci.
Daci u shkarkua nga detyra pasi akuzohet për falsifikim dokumentesh, ku u fajësua për falsifikimin e kërkesës mes të cilës ka aplikuar për të qenë pjesë e KPA në vitin 2017, pasi nuk ka deklaruar një masë disiplinore “largim nga detyra” nga KLD si gjyqtar në vitin 1997.
Discussion about this post