Kolegji i Posaçëm i Apelimit, KPA njoftoi sot vendimmarrjen për lënien në fuqi të shkarkimit nga detyra të prokurores së Shkodrës, Edlira Cufi. Vendimi u mor në mënyrë unanime të hënën nga trupi gjykues i KPA i kryesuar nga Mimoza Tasi, me relatore Natasha Mulajn dhe anëtare Albana Shtylla, Ina Rama e Rezarta Schuetz, pas shqyrtimit në dhomë këshillimi të ankimit të kryer nga Cufi kundër vendimarrjes së Komisionit të Pavarur të Kualifikimit për shkarkimin e saj.
Edlira Cufi e nisi karrierën e saj në sistemin e drejtësisë në vitin 1995 dhe punoi fillimisht në Prokurorinë e Malësisë së Madhe. Prej më shumë se dy dekadash e ushtroi funksionin e prokurores pranë Prokurorisë së Shkodrës, ku për disa vjet ka qenë dhe në rolin e zëvendësdrejtueses.
Discussion about this post