Kolegji i Posaçëm i Apelimit rrëzoi kërkesën e Komisionerit Publik, duke rikonfirmuar në detyrë gjyqtarin Sokol Ngresi.Sokol Ngresi punon prej vitit 2005 në Gjykatën e Apelit të Vlorës, teksa në dhjetor të vitit 2020 iu nënshtrua Vettingut.
Trupa gjykuese e Komisionit të Pavarur të Kualifikimit, argumentoi se bilancet negative të gjetura nga deklarimet e gjyqtarit, ishin të vogla dhe të pamjaftueshme për të vendosur masë disiplinore. Vendimi i Komisionit u ankimua nga komisioneri Florian Ballhysa, i cili argumenton se Ngresi ka bërë deklarim të pamjaftueshëm për gjendjen e kursimeve cash në vitin 2003 dhe për blerjen e dy automjeteve, teksa më vonë u paraqit edhe një denoncim që ngre dyshime për mosdeklarimin e një apartamenti.
Discussion about this post