Komisioni i Pavarur i Kualifikimit ka vendosur rihapjen e hetimeve për gjyqtaren e Elbasanit Enkeleda Kapedani, e cila bëri xhiron e mediave pas videove që kishte postuar në rrjetin social “Tik Tok”.Seanaca ishte planifikuar të zhvillohej sot, por ky vendim ka çuar në pezullimin e saj.
Enkeleda Kapedani po i nënshtrohet Vettingun, teksa ka zgjedhur që para trupës gjykëese të vetpërfaqësohet ligjërisht.Gjyqtarja e Elbasanit ka kërkuar konfirmimin në dëtyrë, ndërsa aktualisht ndodhet e pezulluar nga detyra nga Komisioni Disiplinor për shkak të videove që qarkulluan në media sociale.
Nga hetimet e kryera për rivlerësimin e pasurisë, gjetja e vetme që KPK konstatoi ishte blerja e një kamioni nga partneri i saj. Në vitin 2016, Enkeleda Kapedani deklaron shitjen e një toke arë në vlerë 1,634,000 lekë, nga të cilat 1,000,000 lekë përdoren nga bashkëjetuesi për të blerë një kamion. Kamioni deklarohet i shitur brenda të njëjtit vit në vlerën 32,000 euro, nga të cilat 28,000 euro i jepen hua në janar 2017 një shtetasi.
Kapedani u shpjegua dhe lidhur me çështjen e Viktor Ymerit, për të cilin provoi se se nuk ishte ajo që kishte ndryshuar dënimin e përjetshëm, por një trupë e vjetër gjyqësore.
Lidhur me pastërtinë e figurës, gjyqtarja është justifikuar për sfilatat e saj në rrjetet sociale, duke thënë se videot dhe foto i ka bërë për të hequr stresin dhe lodhjen që kishte nga puna.
Discussion about this post