Komisioni i Pavarur i Kualifikimit, shkarkoi këtë të enjte nga detyra gjyqtarin e Gjykatës së Apelit Vlorë, Nazmi Troka.Gatë dhënies së vendimit Troka nuk ishte i pranishëm në seancë.Nazmi Troka u vlerësua vetëm në kriterit e parë të rivlerësimit , atë të pasurisë.
Gjatë seancës dëgjimore të 2 nëntorit, dokumentacioni ligjor i paraqitur nga Troka nuk justifikoi pronat për të cilat i ishte kaluar barra e provës. Të ardhurat e pretenduara nga bujqësia nuk mbulonin kostot për ndërtimin e një shtëpie në fshat, blerjen e një apartamenti në Tiranë, si dhe për kryerjen e shpenzimeve të tjera.
Procesi i vetingut për gjyqtarin Troka u krye nga trupa e kryesuar nga Lulzim Hamitaj, me relatore Suela Zhegun dhe anëtare Firdes Shulin.
Nazmi Troka e ka filluar karrierën në sistemin e drejtësisë në vitin 1993 dhe ka punuar për gati dy dekada si gjyqtar në Gjykatën e Beratit. Në vitin 2013, Troka u dekretua si gjyqtar i Gjykatës së Apelit të Vlorës.
Discussion about this post