Biznesmeni Luan Kapri vazhdon “luftën” duke denoncuar kryebashkiakët për abuzime me tenderët. Përmes kompanisë “Rej shpk” që ai zotëron ndër vite, Kapri ka përfituar miliarda lekë tendera të dyshimtë, por kohët e fundit nuk ka marrë aq sa donte. Dhe për këtë arsye po denoncon cdo tender që ai ka marrë pjesë, por nuk ka fituar. Vetëm një ditë më parë Gijotina.com tregoi përplasjen e tij me ARRSH-në dhe Bashkinë Vorë për dy tenderë. Ndërsa tani radhën e ka Eriselda Sefa e Bashkisë Lushnjë. Në një dokument pranë Komisionit të Prokurimit Pulik tregohet se Luan Kapri ka denoncuar tenderin e pastrimit.
Konkretisht, bëhet fjalë për prokurimin me objektiv “Shërbimi i pastrimit dhe grumbullimi i mbetjeve urbane në Bashkinë Lushnje”, me fond limit 39,535,611.94 lekë pa TVSh. Ky tender është parashikuar për t’u zhvilluar më datë 19.10.2022. Por denoncimi i Kaprit i ka ndërprerë procedurat. Kapri e ka bërë denoncimin me datë 6 dhjetor 2022. Ku ka kërkuar rishikimin e fondit limit të procedurës së prokurimit objekt-ankimi. Si dhe kryerjen e akt-ekspertimit të përllogaritjes së fondit limit.
Ankesat
Më tutje në këtë ankesë ai shprehet se afati që ka lënë Bashkia Lushnje në dispozicion për pastrimin e qytetit është i pamjaftueshëm. Nga eksperinca që ka kjo kompani në këtë fushë kërkon që të paktën afati të zgjatet në disa vite. “Duke marrë shkas dhe nga shumë autoritete kontraktore analoge si Bashkia Tiranë, Bashkia Himarë, Bashkia Sarandë etj. Këto lloj shërbimesh janë parashikuar të kryhen për disa vite, 3-5. Dhe jo për një vit siç është parashikuar nga Bashkia Lushnje. Ky lloj shërbimi kompleks kërkon një lloj të veçantë organizimi dhe zbatimi duke qenë se investimi në mjete, pajisje dhe fuqi punëtore është tepër e lartë. Dhe për 1 vit për ne si ofertues është e pamundur përballimi i kostove të këtij shërbimi”, thuhet në ankesë. Ndërsa shprehet se plani i Bashkisë nuk është hartuar me përpikmëri për t’u vënë në zbatim.
Gjetjet e KPP
Nga ana tjetër, edhe Komisioni i Prokurimeve Publike ka konstatuar parregullësi në këtë prokurim. Sipas vendimit të komisionit, Bashkia nuk ka përllogritur si duhet kohën e punimeve dhe kostot. Sipas arsyetimit të vendimit, nuk tregohet sa punë do të kryhet në ditë, të përpjestuar me numrin e ditëve që do kryhet ky shërbim.
“Duke u nisur nga specifikimet teknik edhe preventivit të publikuar kuptohet qartë që sasitë përkatëse të zërave të punimeve janë për njësi kohe të ndryshme (m2 në ditë apo m2/në vit). Sipas specifikimeve teknike Kontraktori duhet të fshijë 274.050,63 m2 natën. Ku ky shërbim do të jetë cdo ditë të vitit pra 365 ditë. Kurse sipas preventivit të hartuar kuptohet ndryshe, sikur 274.050,63 m2 do të fshihen gjithsej për gjithë vitin pasi në preventiv nuk ka një kolonë tjetër ku sasia në ditë të shumëzohet me ditët e punëve që do të kryhet ky shërbim. Kërkojmë nga AK saktësimin e sasive dhe preventivit në mënyrë që ne si OE ofertues të paraqesim ofertën tonë sa më të saktë dhe në përputhje me specifikimet teknike”, evidenton KPP.
Duke u nisur nga të gjitha pikat e lartëpërmendura me një vendim të datës 20 dhjetor 2022, Komisioni Publik i ka dhënë të drejtë Luan Kaprit dhe e ka anuluar tenderin Eriselda Sefës.
Lexo edhe: Vdekja e 60-vjeçares në Bashkinë e Lushnjes, Korreshi: Mjerim…
Discussion about this post