Në një kohë kur Covid-19 akoma nuk është larguar plotësisht por rezulton në shifra të ulëta në vend, qendrat spitalore u duhet të jenë në gatishmëri që të përballojnë situatën e tanishme dhe çdo situatë që mund të agravohet. Por kur vjen puna tek bërja e tenderëve për nevojat e qendrave spitalore, hasim në prokurime që zhvillohen në mënyrë jo të drejt. E njëjta gjë ka ndodhur edhe me një procedurë që është bërë nga Qendra Spitalore Universitare “Nënë Tereza”, i cili është denoncuar në Komisionin e Prokurimeve Publike.
Tenderi është hapur në datën 2 shtator 2021, me qëllim blerjen e pajisjeve të frymëmarrjes. Procedura mban numrin e referencës REF-04470-09-02-2021 dhe ka fondin limit prej 7,515,360 milionë lekë të reja, ose rreth 75 milionë lekë të vjetra. Një nga kompanitë që kanë marrë pjesë në garë për këtë tender, është “Montal” SHPK e cila është skualifikuar me arsyetimin se nuk ka plotësuar disa kritere në katalogun e dorëzuar.
Por kompania “Montal” SHPK nuk është pajtuar me këtë arsyetim për skualifikimin e saj dhe kështu i është drejtuar me një ankesë KPP-së. Pas shqyrtimit të ankesës, KPP ka vendosur që t’i jap të drejt kompanisë “Montal” SHPK. Pra, edhe në këtë rast kemi të bëjë me skualifikimin në mënyrë të padrejtë kompanitë nga gara. Kjo metodë përdoret në ato raste kur bërësit e tenderit e kanë përzgjedhur fituesin para se ta shpallin atë. Kështu, kompanitë e “padëshiruara” që marrin pjesë në të, skualifikohen me çdo mënyrë që është në shkelje të ligjit. Si drejtuese e QSUT-së, drejtoresha Albana Fico ka menduar të bëjë një tender me destinacion të caktuar, por që ankesa e kompanisë “Montal” SHPK ia ka prishur terezinë. Pra, Fico për të futur ca lekë në xhep, nuk kursen edhe tenderët që shkojnë për shërbimet e të sëmurëve në spitale.
Gijotina.com
Discussion about this post