Tenderat pa garë vazhdojnë të groposin buxhetin e shtetit. Gjatë vitit 2022 kompanitë depozituan 486 ankesa për fazën e vlerësimit të ofertave, që si rregull kryhet nga një komision i ngritur pranë institucionit që ka shpallur tenderin përkatës. Ndërkohë që, për një pjesë të këtyre ankesave KPP i ka dhënë të drejtë operatorëve ekonomikë, duke rrëzuar vendimet e Komisionit të Vlerësimit të Ofertave.
“Kjo vendimmarrje i ka kursyer buxhetit të shtetit, vlerën prej 115,967,650 lekë pa TVSH, llogaritur si diferencë e ofertës së kualifikuar nga vendimmarrja e autoriteteve kontraktore dhe e operatorëve ekonomikë të ankuar, ankesa e të cilëve është pranuar nga Komisioni i Prokurimit Publik”,-thuhet ndër të tjera në raportin vjetor të KPP-së.
Numri i ankesave të kryera për fazën e vlerësimit të ofertave përbën 61% të totalit, ndërkohë që pjesa tjetër janë ankesa për kundershtime mbi dokumentet e tenderit. Në total, ankesat nga operatorët ekonomikë për procedurat e prokurimit publik u rritën gjatë vitit 2022, në raport me një vit më parë.
Discussion about this post