Komisioni i Prokurimit Publik rrëzon tenderin e Erion Veliajt për parkun e Farkës. Bashkia e Tiranës përzgjodhi subjektin që kërkoi më shumë para për investimin, por KPP e shpall procedurën e pavlefshme, duke konstatuar se kjo kompani ka dorëzuar dokumentet jashtë afatit dhe bashkia nuk ka bërë si duhet shqyrtimin e dokumentacionit për kompaninë.
Në këtë kuadër, projektin ,nuk do ta realizojë kompania Leon Konstruksion e përzgjedhur nga institucioni i drejtuar nga Erion Veliaj. Pasi një tjetër shkelje e konstatuar nga KPP është se, kjo kompani ka ofruar çmimin më të lartë se dy garuesit e tjerë.
Në dokumente rezulton se “2 N” kërkoi 18.2 milionë lekë për punimet teksa “Nika” 16 milionë lekë, ndërsa fituesi “Leon Constuction” ofertoi 19.7 milionë lekë.
Por bashkia e Tiranës, çmimet e lira i konsideroi anomalisht të ulëta ndaj dhe i skualifikoi nga gara, pavarësisht se në dosjet përkatëse ishin argumentuar shpenzimet sipas zërave.
Tashmë gjithçka do të kthehet në pikën zero, dhe institucioni i drejtuar nga Veliaj është i detyruar t’ia jap kontratën kompanisë që kërkon më pak lekë nga taksat e mbledhura prej familjeve në Tiranë.
E.H/ gijotina.com
