Komisioni Qëndror i Zgjedhjeve siç kishte paralajmëruar do të marri nën shqyrtim rezultatet e verifikimit për Tom Doshin.Mësohet se ditën e nesërme KQZ-ja do të shqyrtojë të dhënat e konstatuara disa ditë mëparë nga Sektori i Dekriminalizimit pranë Prokurorisë së Përgjithshme.
Këto rezultate do të shqyrtohet për të kuptuar nëse të dhënat e dorëzuara përfshihen në kufizime që ligji parashikon për funksionarët publik, “Për garantimin e integritetit të personave që zgjidhen, emërohen ose ushtrojnë funksione publike”.Problemet që Tom Doshi ka patur me ligjin do të specifikohen nëse janë gjatë periudhës së ndalimin të përcaktuar nga ligji.
Mbledhje pritet të zhvillohet në orën 12:00.
Në dokumentin e firmosur nga prokurori i Përgjithshëm Olsian Çela, parashtrohen të gjitha veprat penale për të cilat akuzohet ish-kreu i PSD. Nga dokumenti, mësohet se ndaj ish-kreut të PSD rëndonte akuza e plagosjes së rëndë me dashje, ndërsa bie në sy fakti që nuk ka qenë në kërkim apo hetim ndërkombëtar ashtu siç mund të jetë aluduar.
Discussion about this post