Më pak se 24 orë nga zgjedhjet lokale të 14 majit, nënkryetarja e KQZ, Lealba Pelinku apeloi operatorët e pajisjeve PEI të mos tërhiqeshin nga ky proces pasi do të mbajnë përgjegjësi ligjore.
Ajo theksoi se në mbi 100 Qendra Votimi nuk ka pasur aplikime për operator e po kështu ka raste që janë tërhequr, duke bërë që në to, votimi të kryhet në mënyrën tradicionale.
“Bëj thirrje që çdo veprim që synon të pamundësojë funksionimin e sistemit të identifikimit elektronik, qoftë edhe në një qendër të vetme votimi, nuk do të tolerohet nga ana e KQZ. Deri në mëngjesin e sotëm kemi patur 5100 QV për të cilat ka patur operatorë teknikë, që janë përzgjedhur, janë trajnuar, është testuar, është lidhur kontrata. QV-të e tjera, pra diferenca nga 5211 nuk ka qenë për asnjë moment e mbuluar për shkak të mospasjes së aplikimeve për ato qendra votimi. Për fat të keq do të duhet të vijohet me identifikimin tradicional. Peshën më të lartë të këtij numri e zënë bashkitë e qarkut Vlorë dhe Gjirokastër“, tha ajo në një prononcim për mediat.
Ndërkohë lidhur me shqetësimet e ngrituara nga opozita për pajisjet PEI, ku në zgjdhjet e mëprashme ka pasur denoncime per votues që kanë vënë më shumë se njëherë shenjat e gishtërinjve, Pelinku deklaroi se KQZ ka marrë masa për që këto probleme të faktohen e hetohen.
“Komisioni Rregullator ka miratuar rregulla shumë më strikte të cilat e ngurtësojnë rastin ku me qëllim apo pa, zgjedhësit nuk i merren shenjat e gishtërinjve. Këto raste, nëse vërtetë do të ketë problematika, do të jetë shumë më e thjeshtë si nga ana e KQZ dhe kur rastet i përcillen prokurorisë, do të jetë shumë më e thjeshtë që të hetohet se çfarë konkretisht ka ndodhur me ato zgjedhës“, deklaroi Pelinku.
Po ashtu Pelinku theksoi se me 14 maj të gjithë operatorët e caktuar për zgjedhjet lokale duhet të paraqiten në qendrat e votimit në orën 6:00.
Discussion about this post