KQZ ka miratuar rezultatin përfundimtar të zgjedhjeve të pjesshme lokale të 6 Marsit. Komisioni Rregullator miratoi sot rezultatet për 6 bashkitë ku u zhvilluan zgjedhjet e pjesshme, ku PS fitoi 5 bashki dhe koalicioni ‘Shtëpia e Lirisë’ fitoi një bashki.
Në zgjedhjet e 6 Marsit të zgjedhurit e Partisë Socialiste grumbulluan në total 106.703 vota, të ndjekur nga kandidatët e Shtëpisë së Lirisë me 60.223 vota dhe ata të Partisë Demokratike me 26.662 vota. Kandidatët e Partisë Demokratike dhe Shtëpisë së Lirisë në total morën rreth 87 mijë vota, rreth 19 mijë vota më pak se kandidatët e Partisë Socialiste.
Pra, 5 bashki u fituan nga Partia Socialiste dhe një bashki nga kandidati i Shtëpisë së Lirisë. Bardh Spahia nga koalicioni “Shtëpia e Lirisë” fitoi bashkinë e Shkodrës. Emirjana Sako fitoi në Durrës, Eriselda Sefa fitoi në Lushnjë, Edison Memolla u zgjodh në krye të bashkisë së Rrogozhinës, Blerim Shera në Vorë dhe Rrahim Spahiu arriti të fitonte besimin e dibranëve.
Discussion about this post