Komisioni Qendror i Zgjedhjeve (KQZ) do të nisë sot në orën 09:00, procesin zyrtar të rinumërimit të 2323 qendrave të votimit, pas vendimit të Komisionit të Ankimimeve dhe Sanksioneve (KAS).
Rinumërimi përfshin edhe 85 kuti votimi nga diaspora dhe do të zhvillohet në ambientet e Pallatit të Sportit “Farie Hoti” në Tiranë. Procesi do të organizohet në 24 tavolina me 24 grupe të posaçme të numërimit dhe do të transmetohet ‘live’ në rrjetet sociale të KQZ-së, duke garantuar transparencë për publikun.
Rinumërimi do të bëhet për qarqet e Tiranës, Durrësit dhe Fierit ndërsa për qarkun e Elbasanit do të verifikohen vetëm materialet e kutive të Gramshit dhe Peqinit.
Procesi do të zhvillohet në pallatin e sportit “Farie Hoti” në Tiranë dhe në të do të angazhohen 24 grupe numërimi. Vendimi për hapjen e kutive dhe rinumërimin e votave u mor nga KAS pas kërkesës së dy anëtarëve të tij që mbështetën kërkesat e opozitës.
Opozita nuk e njeh rezultatin zgjedhor të 11 majit ndërkohë që po denoncon në kancelaritë perëndimore sipas saj farsën elektorale. PD po përgatit një dosje të plotë të manipulimit zgjedhor për t’ua dorëzuar kancelarive të huaja.
Discussion about this post