KQZ njofton emigrantët në Greqi: Nëse postieri nuk ju gjen në banesë, merreni në pikat e postës -

Komisioni Qendror i Zgjedhjeve ka bërë një njoftim për emigrantët votues në Greqi. Në njoftimin e KQZ-së thuhet se kompania postare DHL, u ka dërguar një njoftim në email ose numrin e telefonit, me të dhënat e dorëzimit të zarfit të votimit.

Gjithashtu në njoftom shtohet se postieri do u dërgojë zarfin në adresën e deklaruar nga zgjedhësit dhe në rast se nuk ndodheni në banesë, zarfi dërgohet në një prej pikave më të afërta.Greqia u pranua nga vetë kryekomisioneri Ilirjan Celibashi si zona më problematike për ndarjen e zarfeve. Në total 68,380 zarfe janë dërguar në Greqi, por kanë ardhur pas vetëm 2400 vota.

KQZ rendit edhe pikat postare që në disa zona do të qëndrojnë hapur me orar të zgjatur pune me qëllim zgjedhësit të shkojnë për të marrë zarfin në rast se nuk ndodhen në banesë. Shpërndarja do të vijojë në disa zona edhe të dielën.

Njoftimi i KQZ-së:

Informacion për shqiptarët e regjistruar si votues nga jashtë nga Greqia për zgjedhjet e 11 Majit 2025. Lutemi ta shpërndani sa më shumë për miqtë tuaj.

Ju është dërguar një njoftim i ri nga DHL në email ose në numrin e telefonit, me të dhënat e dorëzimit të zarfit të votimit.

Postieri do të dorëzojë zarfin në adresën tuaj të deklaruar. Nëse nuk ndodheni në banesë në momentin e dorëzimit, zarfi do të dërgohet në pikën më të afërt të DHL.

Në disa zona do të vijojë shpërndarja e zarfeve edhe gjatë fundjavës (të shtunave dhe të dielave), me orar të zgjeruar.

Shumica e pikave të shërbimit të DHL do të jenë të hapura të shtunën, më 26 prill, me orar të zgjatur pune.

Njoftimet me e-mail/mesazh, sipas të dhënave të disponueshme, u janë dërguar sot të gjitha dërgesave që nuk janë dorëzuar ende.

Lidhur me oraret e hapjes

Ju lutemi kini parasysh se çdo pikë shërbimi ka orare të ndryshme pune, megjithatë shumica e tyre janë të hapura nga ora 09:00 deri në 18:00. Pikat e shërbimit të DHL në Athinë do të jenë hapur nesër, datë 26 prill 2025 si vijon:

Rruga Patision (Qendra e qytetit): 09:00 – 15:00

Rruga Filellinon (Qendra e qytetit): 09:00 – 15:00

Pire: 09:00 – 15:00

Rruga Alimos: 09:00 – 15:00

Glifada: 09:00 – 15:00

Nea Smyrni: 09:00 – 15:00

Pikat e shërbimit në pjesën tjetër të Greqisë:

Selanik (Rruga Vasilissis Olgas): 09:00 – 15:00

Selanik (Rruga Polytechniou): 09:00 – 15:00

Larisa: 09:00 – 15:00

Patra (Rruga Agiou Andrea): 09:00 – 15:00

Iraklio: 09:00 – 15:00

Hania: 09:00 – 15:00

Nëse keni marrë njoftim, por nuk keni marrë ende zarfin:

Lutemi kontaktoni zyrën qendrore të DHL në numrin +30 210 989 0000, duke përdorur numrin e identifikimit të zarfit (“αριθμός φορτωτικής”), ose kontaktoni numrat e zyrave më të afërta me adresën tuaj, të cilët i keni marrë sot, datë 25 prill, me mesazh në celular.

Dorëzimi i Zarfit të Votimit

Mund të kërkoni që DHL të vijë në banesën tuaj për të tërhequr zarfin; ose Mund ta dorëzoni personalisht në pikën më të afërt të DHL.