KQZ nuk e regjistroi në zgjedhjet e 6 Marsit, Berisha bën lëvizjen e radhës

Ish-kryeministri Sali Berisha po vijon përgatitjet për zgjedhjet lokale të 6 Marsit, edhe pse Komisioni Qendror i Zgjedhjeve e la jashtë koalicionit Shtëpia e Lirisë.

Në një postim në facebook, Berisha ka deklaruar se do të jetë nesër në Sukth për të prezantuar Ardian Mukën si kandidat i këtij koalicioni për bashkinë e Durrësit.

“Nesër, ditën e diel, 6 shkurt, në orën 11:00, tek kompleksi “Selimi” në Qendër Sukth, prezantojmë kandidatin e koalicionit opozitar Shtëpia e Lirisë, Z. Ardian Muka. Ftoj banoret e Sukthit, Katundit te Ri, Manzes Rrashbullit dhe Ishmit të marrin pjesë” – shkruan Berisha.

Muka është kandidat i zgjedhur nga “Primaret” e “Komisionit të Rithemelimit”, në 6 bashkitë pa kryetar.