Organizata AIS njofton se ka ankimuar vendimin e komisionerit Shtetëror për Zgjedhjet, ku refuzohet shqyrtimi i Kallzimit të kësaj organizate (Open Data Albania). Palë të kallëzuara për keqmenaxhim të fondeve publike ishte Këshilli i Ministrave dhe Bashkia Durrës.
Kallzimi i AIS, i datës 31 maj parashtron argumente mbi keqpërdorim të aseteve dhe Fondeve Publike për qëllime elektorale, nga Këshilli i Ministrave dhe nga Bashkia Durrës gjatë procesit Zgjedhor 25 prill 2021. Ndërsa komisioneri, me vendim të datës 1 tetor, ka shpallur moskompetencë për shqyrtimin e kërkesave të parashtruara.
Duke e konsideruar vendimin e komisionerit të pabazuar në ligj dhe në prova, si dhe në kundërshtim me praktikën e deritanishme të zhvilluar nga Komisioni i Ankimimeve dhe Sanksioneve (KAS), AIS ka paraqitur në datën 28 tetor ankimim pranë KAS.
Në ankimimin e AIS, theksohet që vendimi i komsionerit duhet shfuqizuar pasi ka shkelje të procesit të rregullt ligjor gjatë procedurës administrative.
Seanca për shqyrtim të ankimimit do të mbahet nga KAS, ditën e hënë datë 8 nëntor në orën 11.
Discussion about this post