Komisioni Qendror i Zgjedhjeve ka regjistruar koalicionin “Shtëpia e Lirisë” si subjekt në zgjedhjet 6 marsit, por ka përjashtuar nga ky koalicion mbështetësit e Sali Berishës.
Sipas Celibashit, grupi i Berishës nuk mund të jetë pjesë në koalicion, sa kohë që nuk është regjistruar si parti politike. Kështu koalicioni ‘Shtëpia e Lirisë’ sipas KQZ do të përbëhet nga vetëm dy parti politike, LSI dhe PDK.
“Kërkesa në përbërje të saj për disa aspekte të saj reflekton konfliktualitet me interesat e ligjshme të një partie tjetër politike. Kërkesa për të përfshirë në simbole, sigla apo edhe në thelbin e vet elementë që lidhen me PD, nuk mund të pranohen. Jo vetëm për faktin që i mungon interesi PD për këtë koalicion .Ajo që vlen më shumë është diskutimi për simbolet që mund të krijojnë konfuzion te zgjedhësit. Unë vendos që të regjistroj si subjekt zgjedhor koalicionin LSI-PDK. Emri është “Shtëpia e Lirisë”. Partia udhëheqëse është LSI. Ky vendim hyn në fuqi menjëherë,” tha Celibashi.
Discussion about this post