KQZ regjistron si kandidatë disa prej të propozuarve të PD, Berishës dhe PS, ja emrat

Komisioneri Shtetëror i Zgjedhjeve, Ilirian Celibashi ka regjistruar të propozuarit e disa forcave politike, si kandidatë në disa bashki.

Ai regjistroi si kandidat, Majlinda Angonin në Shkodër, e cila do të garojë me siglën e PS. Po ashtu, u regjistrua Eriselda Sefa për në Bashkinë e Lushnjës, Eimirjana Sako dhe Emirjana Sako në Bashkinë e Durrësit.

Ardian Muka, i propozuar nga koalicioni “Shtëpia e Lirisë”, është regjistruar si kandidat në Bashkinë e Durrësit. Bardh Spahia, i propozuar gjithashtu nga koalicioni “Shtëpia e Lirisë”, është regjistruar si kandidat në Bashkinë e Shkodrës.

Në radhët e PD, është regjistruar si kandidat Indrit Sefa për bashkinë e Lushnjës, Luan Hoti për Bashkinë e Durrësit dhe Xhemal Bushati për Bashkinë e Shkodrës.