Komisioni Qendror i Zgjedhjeve u bën thirrje publike 94 partive politike që të bëjnë deklarimin e adresës zyrtare të selisë ku kryejnë aktivitetin. Sipas KQZ-së, ky është një detyrim administrativ që përcaktohet në vendimin numër 430 i vendosur në datë 22.07.2021. KQZ gjithashtu shprehet se ka ezauruar mënyrën zyrtare të njoftimit të tyre në adresat e deklaruara nga ana e partive, por që nuk ka marrë përgjigje për shkak se selitë nuk kanë qenë në adresat e paraqitura më parë. Për këtë, KQZ u jep edhe 20 dite kohë afat partive politike për të bërë detyrimin ligjor.
“Komisioni Qendror i Zgjedhjeve i bën thirrje publike 94 subjekteve politike që të bëjnë ekzekutimin vullnetar të sanksionit administrativ të vendosur nga Komisioneri Shtetëror i Zgjedhjeve me vendimin nr. 430, datë 22.07.2021, për mosdorëzimin apo dorëzimin jashtë afateve e raporteve vjetore financiare për vitin 2020. KQZ ka ezauruar mënyrën zyrtare të njoftimit të tyre në adresat e deklaruara nga ana e tyre në Gjykatën Rrethit Gjyqësor, Tiranë. Institucioni i Postës Shqiptare ka konfirmuar mosmarrjen e këtij njoftimi nga këto parti politike, për shkak të mangësive të adresave të deklaruara nga partitë. Bazuar në nenin 162, të ligjit nr. 44/2015 “Kodi i Procedurave Administrative”, për njoftimet publike, nga sot, 94 partitë politike kanë 20 ditë afat për të ekzekutuar vullnetarisht detyrimin e tyre. Shkresa me emrat e 94 partive politike që i’u është drejtuar shkresa nga KQZ” – thuhet në njoftimin e KQZ.
Kujtojmë se problemi me adresat e partive politike në Shqipëri nuk është i ri, pasi në shumicën e rasteve partitë e vogla marrin zyra me qira vetëm për kohë fushatash zgjedhore dhe më pas i mbyllin ato pas zgjedhjeve.
Discussion about this post