Prokurori i SPAK, Arben Kraja, dhe avokati Genc Gjokutaj, janë përfshirë në një përplasje në sallën e GJKKO-së, atje ku do të zhvillohej seanca për vlerësimin e masave të sigurisë për Jamarbër Malltezin dhe biznesmenin e ndërtimit Fatmir Bektashi.
Kraja, i cili është një nga dy prokurorët e SPAK që ka hetuar privatizimin e kompleksit Partizani, për të cilin dy ditë më parë u arrestua dhëndri i ish-Kryeministrit Sali Berisha, Jamarbër Malltezi, ndërsa u caktua masa detyrim paraqitje për ndërtuesin Bektashi dhe kreun e demokratëve Berisha.
Gjatë seancës për njohjen me masën e sigurisë prokurori Kraja e ka pyetur avokatin në çfarë cilësie ishte dhe çfarë përfaqësonte.
Gjokutaj i është përgjigjur se është avokati i Sali Berishës.
Por në këtë moment Kraja i ka kërkuar të dalë nga seanca pasi ai nuk ka prokurë, dhe se sot nuk është seanca ndaj shtetasit Sali Berisha, por ndaj Jamarbër Malltezit e Fatmir Bektashit.
Discussion about this post