Komenteve të djeshme të Joe Biden, të cilat e lidhin Vladimir Putinin me organizatën palestineze Hamas, Kremlini iu përgjigj sot, duke i quajtur ato “të papranueshme”.
Zëdhënësi i presidentit rus, Dmitry Peskov u tha gazetarëve se momenti aktual është një moment potencialisht i rrezikshëm në axhendën ndërkombëtare dhe se kërcënimi për qytetarët rusë do të rritet në mënyrë eksponenciale sapo Izraeli të fillojë operacionin e tij të pritshëm tokësor në përpjekje për të dëbuar Hamasin nga Gaza.
“Është e qartë se tani është një kohë potencialisht shumë e rrezikshme në skenën ndërkombëtare, duke përfshirë luftën në Lindjen e Mesme. Shumë emocione shprehen në fjalimet e politikanëve të ndryshëm, përfshirë zyrtarë të lartë dhe qeveritarë, por një retorikë e tillë nuk u shkon për shtat liderëve përgjegjës të shteteve dhe nuk ka gjasa të pranohet nga ne. Ne nuk e pranojmë një ton të tillë ndaj Federatës Ruse, ndaj presidentit tonë”, tha Peskov.
Përveç kësaj, ai nuk pranoi të tregonte se kush do ta përfaqësojë Rusinë në samitin e paqes për konfliktin palestinez në Kajro të shtunën, duke ia referuar pyetjen ministrisë së Jashtme.
Discussion about this post