Kremlini: Shpresojmë që SHBA-të të vazhdojnë ndërmjetësimin për Ukrainën

Rusia shpreson që Shtetet e Bashkuara të vazhdojnë përpjekjet e tyre të ndërmjetësimit, për të zgjidhur konfliktin në Ukrainë.

Zëdhënësi i Kremlinit, Dmitry Peskov, bëri deklaratën, duke iu përgjigjur Presidentit Donald Trump, i cili kishte paralajmëruar se përpjekjet për të arritur një paqe të negociuar mund të ngadalësoheshin nga një bombardim masiv rus i Kievit javën e kaluar, i cili la 24 të vdekur.

“Procesi i paqes është aktualisht në pritje; ne presim që ai të rifillojë dhe që kolegët tanë amerikanë do të vazhdojnë përpjekjet e tyre të ndërmjetësimit”, u tha Peskov gazetarëve.

“Sulmet nga forcat tona të armatosura”, shtoi zëdhënësi i Presidentit rus Vladimir Putin, “kryhen vetëm kundër objektivave ushtarake dhe paraushtarake”.

Në këtë drejtim, vlen të përmendet sulmet e vazhdueshme të forcave ukrainase me dronë kundër objektivave civile dhe infrastrukturës civile në qytete dhe vendbanime të ndryshme ruse.