Kristjan Asllani te Interi mungon vetëm zyrtarizimi, me mesfushorin shqiptarë që do të bëjë një hap të madh në karrierën e tij futbollistike duke firmosur për një nga skuadrat më të mëdha në Itali.
Paraqitjet e talentit të kombëtares kuqezi me Empolin, bënë që lojtari të tregonte cilësitë dhe talentin e tij, duke u kthyer në një lojtarë të rëndësishëm.
E kur pritet të ndodhë një transferim i madh, nuk ka si të ndodhë ndryshe, me Asllanit që ka ngjallur një kuriozitet të madh në media, ku së fundmi ka folur edhe trajneri i tij i parë.
Cristiano Filippi ka dhënë një intervistë për “La Gazzetta dello Sport”, gjatë së cilës tregon përshtypjet e tij të para për talentin e Kombëtares kuqezi. Filippi tregon se Asllani spikati që në ndeshjen e parë, ku shënoi një eurogol pasi la pas tre kundërshtarë.
Trajneri italian shton se sytë iu përlotën në momentin kur e pa ti shënonte gol Interit në Serinë A, duke ndjerë krenari që dikur ka qenë një prej lojtarëve që ka stërvitur.
“Më besuan kategorinë e të rinjve. Babain e Kristjanit e njihja, sepse çdo ditë kaloj nga shtëpia e tyre. I sugjerova që ta linte të luante me ne.
Në javët e para e dinim se ai ishte i fortë, por debutimi i tij në ligë ishte i çmendur! Ai kishte fanellën me numrin 7, i rrinte shumë më e madhe shumë sepse ishte shumë më i shkurtër se të tjerët. Ai bëri një eurogol të vërtetë, duke ulur tre kundërshtarë.
Empoli pak kohë më parë ka postuar videon edhe në rrjetet e tij sociale. Natyra i ka dhënë këmbë, të cilat ai di t’i përdorë të dyja shumë mirë dhe vështirë se bën të njëjtin gabim dy herë, por ai është i zoti të përmirësohet vazhdimisht” ka theksuar Filippi.
Discussion about this post